देव तारी त्याला कोण मारी! कॅन्सर झालेल्या बैलाचे शिंग काढले अन् प्राण वाचले, सोलापुरातील घटना, Video

सोलापूर :- वाद-विवादामुळे माणसाला नातं फार काळ टिकवता येत नाही. बोलता येत असताना सुद्धा नातं टिकवायला तो अपयशी ठरतो. मात्र, शेतकरी राजा आणि बैल यांचं अतूट नातं आपण आज पाहणार आहोत. उत्तर सोलापूर तालुक्यातील पाकणी या गावात राहणाऱ्या सिद्धाराम भोसले यांच्या बैलाच्या शिंगातून पू येणे, शिंग हलणे असा त्रास होत होता. या बाबत ॲनिमल राहतच्या डॉक्टरांना याची माहिती दिली. त्यात बैलाला कॅन्सर झाल्याचे निदर्शनास आल्याने त्यांनी लगेच ऑपरेशन करण्याचा निर्णय घेत चार तास ऑपरेशन करत शिंग कापून काढले. यामुळे बैलाचे प्राण वाचले.