कडकनाथ सोडा, ही काळी कोंबडी देतेय सोन्याची अंडी, शेतकऱ्याची वर्षाची उलाढाल 20 लाख!

या कोंबडीच्या एका अंड्याची किंमत 15 ते 17 रुपये पर्यंत आहे. या अंड्याला खाण्यासाठी नव्हे तर नवीन पिले तयार करण्यासाठी मोठी मागणी असते. तसेच या जातीचा कोंबडा अडीच ते तीन महिन्यात सव्वा किलो होतो. ब्लॅक ऑस्ट्रोलॉर्प या कोंबड्यांचे मांस 180 रूपये किलो ते 200 किलो या दराने विक्री होते. त्यामुळे कमी खर्चात जास्त उत्पन्न वाढविण्याचा पर्याय म्हणून अरुण शिंदे यांनी या ‘ब्लॅक ऑस्ट्रोलॉर्प’ कोंबडीचं पालन करत आहेत. ब्लॅक ऑस्ट्रोलॉर्प यांच्या अंडी तसेच चिकन विक्रीतून ते वर्षाला 15 ते 20 लाखांची उलाढाल करत आहे.

कडकनाथ प्रमाणे कोंबडीचा काळा रंग असला, तरी डोक्यावरचा तुरा लाल रंगाचा असतो. ही ऑस्ट्रेलियन वंशाची सुधारित गावठी कोंबडी आहे. परसबाग आणि पोल्ट्री फार्म (बंदिस्त) दोन्ही प्रकारे या पक्षाची वाढ उत्तम होते. परसबागेत पालन केल्यास अडीच महिन्यात सव्वा किलो किंवा त्यापेक्षाही जास्त वजन होते. साडेचार ते पाच महिन्याचा पक्षी झाला की अंडी देणे सुरू करतो. जर आपल्याकडे या जातीचे 200 पक्षी असेल तर दिवसाला 160 ते 170 अंडी मिळतात. दोन ते अडीच पक्षी मांसासाठी वापरता येतो. मांसाची चवही रुचकर असते, असं शिंदे सांगतात.