एका तुरीच्या झाडाला तब्बल 1400 शेंगा, सोलापूरच्या शेतकऱ्यानं कशी केली कमाल?

गोदावरी जातीची तूर भरघोस उत्पन्नासाठी ओळखली जाते. हा वाण मर रोगास प्रतिबंधक आहे. त्यामुळे 8 एकर क्षेत्रात 7 बाय 3 फूट अंतरावर लागवड केली. ट्रॅक्टरच्या सहाय्याने 3 फवारणी केल्या. आता हे झाड तुरीच्या शेंगांनी लगडले आहे. एका झाडावर सरासरी 1200 ते 1400 शेंगा आहेत. त्यामुळे एकरी 14 ते 15 क्विंटल उत्पन्न मिळण्याची आशा आहे. सध्याच्या दराप्रमाणे विचार केल्यास 6 महिन्यात 8 ते 10 लाख रुपयांचं उत्पन्न मिळेल, असं बिराजदार सांगतात.

बिराजदार यांनी यापूर्वीही विक्रमी तूर उत्पादन घेतले आहे. कृषी विज्ञान केंद्राचे डॉ. लालासाहेब तांबडे, अमोल शास्त्री, ऑजारी, कृषी सहायक अशोक राठोड यांचे त्यांना मार्गदर्शन लाभले. गंगाधर बिराजदार यांनी यापूर्वी तुरीचे विक्रमी उत्पादन घेऊन राज्यस्तरीय प्रथम क्रमांकाचा पुरस्कार पटकावला आहे. प्रयोगशील शेतकरी म्हणून ओळखले जाणारे बिराजदार हे आपल्या शेतात द्राक्षासह विविध पिके देखील घेतात.