झाडू वापरण्याची 'ही' पद्धत करू शकते तुम्हाला कंगाल, तुम्हीही करत असाल चूक तर होईल आर्थिक नुकसान!

संध्याकाळी झाडू मारणे टाळा: वास्तुशास्त्रानुसार, सूर्यास्तानंतर किंवा संध्याकाळच्या वेळी घरात झाडू मारणे अशुभ मानले जाते. असे केल्याने लक्ष्मी देवी घरातून निघून जाते आणि आर्थिक नुकसान होते.

उभ्या स्थितीत ठेवणे: झाडू कधीही उभ्या स्थितीत ठेवू नये. झाडू नेहमी जमिनीवर आडवा ठेवणे शुभ मानले जाते. उभ्या ठेवलेला झाडू घरातून धन आणि समृद्धी घालवतो.

advertisement

झाडू दिसू नये: झाडू नेहमी दृष्टीआड म्हणजेच कोणालाही दिसणार नाही अशा ठिकाणी ठेवावा. प्रवेशद्वारातून किंवा बाहेरून येणाऱ्या व्यक्तीला झाडू दिसल्यास नकारात्मक ऊर्जा वाढते आणि घरात पैसा टिकत नाही.

पलंग/तिजोरीजवळ ठेवणे: बेडरूममध्ये पलंगाखाली किंवा स्वयंपाकघरात अन्नधान्याच्या जवळ झाडू ठेवू नका. तसेच, तिजोरीजवळ झाडू ठेवल्यास लक्ष्मीचा अपमान होतो आणि धनहानी होते.

तुटलेला झाडू वापरणे: तुटलेला किंवा जुना झालेला झाडू वापरणे त्वरित थांबवावे. तुटलेला झाडू घरात नकारात्मक ऊर्जा वाढवतो आणि आर्थिक तंगी वाढवतो.

पाय लागणे/झाडूवर पाय देणे: झाडूवर चुकूनही पाय ठेवू नये किंवा झाडूला लाथ मारू नये. झाडूवर पाय ठेवणे हा लक्ष्मी देवीचा अपमान मानला जातो, ज्यामुळे घरात दारिद्र्य येते.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)