TRENDING:
मिळालेल्या माहितीनुसार, ही धक्कादायक घटना बीड जिल्ह्याच्या माजलगाव तालुक्यातील दिंद्रुड येथे घडली आहे. ऊसतोडणीसाठी घेतलेल्या उचल रकमेतील बाकी देत नाही, म्हणून एका मुकादमाने एका विवाहित मजूर महिलेवर अत्याचार केला आहे. नराधम आरोपी एवढ्यावरच थांबला नाही, तर त्याने अत्याचार करतानाचे पीडित विवाहितेचे विवस्त्र अवस्थेतील फोटो शूट केले आणि हे फोटो गावातील व्हॉट्सअॅप ग्रुपवर व्हायरल केले.
advertisement
गावात बदनामी झाल्याच्या कारणातून पीडित महिलेनं विष प्राशन करत आत्महत्येचा प्रयत्न केला. याप्रकरणी महिलेच्या तक्रारीवरून आता दिंद्रुड पोलीस ठाण्यात गुन्हा दाखल करण्यात आला. अमोल शिंगारे असं आरोपी मुकादमाचं नाव आहे. शिंगारे यांच्याविरोधात गुन्हा दाखल झाल्यानंतर तो फरार झाला आहे.
या धक्कादायक प्रकाराची पोलिसांनी गंभीर दखल घेतली असून आरोपीच्या अटकेसाठी पथकं रवाना करण्यात आल्याची माहिती पोलिसांनी दिली. पैशांसाठी एका उसतोड मजूर विवाहित महिलेवर अशाप्रकारे मुकादमाने अत्याचार केल्याने परिसरात खळबळ उडाली आहे. आरोपीवर कठोर कारवाई करण्याची मागणी केली जात आहे.