TRENDING:
'असा' करण्यात आला उपचार
शरमन जोशी यांनी आपल्या सोशल मीडियावर प्रेम चोप्रा यांचे रुग्णालयातील फोटो शेअर केले आहेत. या फोटोंमध्ये डॉक्टरांसह अभिनेते जितेंद्रदेखील दिसत आहेत. जितेंद्र प्रेम चोप्रा यांना भेटण्यासाठी रुग्णलायात आले होते. फोटो शेअर करण्यासह शरमन यांनी सांगितलं की, प्रेम चोप्रा यांना 'एओर्टिक स्टेनोसिस' हा गंभीर आजार झाला होता. परिस्थिती नियंत्रणात ठेवण्यासाठी डॉक्टरांनी त्यांच्यावर TAVI – Transcatheter Aortic Valve Implantation ही प्रक्रिया केली. ही एक आधुनिक तंत्रज्ञानावर आधारित पद्धत आहे, ज्यामध्ये ओपन-हार्ट सर्जरी न करता खराब झालेला वाल्व बदलला जातो.
advertisement
डॉक्टरांचे मानले आभार
शरमन यांनी आपल्या पोस्टमध्ये प्रेम चोप्रा यांच्या डॉक्टरांचेही मनापासून आभार व्यक्त केले आहेत. त्यांनी लिहिलं आहे,"कुटुंबाच्या वतीने कार्डियोलॉजिस्ट डॉ. नितीन गोखले आणि इंटरव्हेन्शनल कार्डियोलॉजिस्ट डॉ. रविंदर सिंह राव यांचे आभार. या डॉक्टरांनी प्रेम चोप्रा यांच्यावर उपचार केले आहेत आणि प्रत्येक टप्प्यावर कुटुंबाला विश्वास दिला. त्यांनी हेही सांगितले की प्रक्रिया यशस्वी झाली असून प्रेम चोप्रा यांची प्रकृती आता सुधारत आहे.
प्रेम चोप्रा वयाच्या 90 व्या वर्षीही सक्रीय
प्रेम चोप्रा हे वयाच्या 90 व्या वर्षीही चित्रपटसृष्टीत सक्रीय आहेत. सहा दशकांहून अधिक काळाच्या कारकिर्दीत त्यांनी 380 पेक्षा जास्त चित्रपटांमध्ये काम केले आहे. त्यांनी अनेक प्रकारची पात्रे साकारली, परंतु प्रेक्षक आजही त्यांना हिंदी सिनेमातील सर्वात लक्षवेधी आणि प्रभावी खलनायक म्हणून आठवतात. या वयातही हे अभिनयक्षेत्रापासून दुरावलेले नाहीत. 2024 मध्ये आलेल्या ‘शोटाइम’ या वेबसीरिजमध्ये आणि रणबीर कपूरच्या ‘अॅनिमल’ चित्रपटात ते महत्त्वाच्या भूमिकेत दिसले होते. आता त्यांच्या प्रकृतीत सुधारणा होत असून ते सध्या कुटुंबियांसमवेत वेळ घालवत आहेत.