बिहार विधानसभा निवडणुकीतील २४३ जागांसाठी मतमोजणी सुरू आहे. पहिल्या कलानुसार महागठबंधन पिछाडीवर तर एनडीएची गाडी हळूहळू पुढे जाताना दिसत आहे. सुरुवातीच्या कलात प्रशांत किशोर यांच्या पक्षाने तीन जागांवर आघाडी घेतली आहे. बिहारच्या कारगहर, चनपटिया आणि कुम्हारार या जागांवर ते आघाडीवर आहे.
कोणाची कुठे आघाडी?
जन सुराज पक्षाचे उमेदवार रितेश पांडे यांच्यामुळे बिहारच्या काराघर मतदारसंघातील निवडणूक रंजक बनली आह. सुरुवातीच्या कलात त्यांनी आघाडी कायम ठेवली आहे. तर दुसरीकडे एनडीए आणि महाआघाडी , बसपाचे उदय प्रताप सिंह त्यांना काँटे की टक्कर देत आहे . दरम्यान, जन सुराजचे मनीष कश्यप चनपाटिया विधानसभा मतदारसंघातील पहिल्या कलात आघाडीवर आहेत. भाजपने एनडीएचे विद्यमान आमदार उमाकांत सिंह यांना उमेदवारी दिली आहे, तर महाआघाडी समर्थित काँग्रेसचे उमेदवार अभिषेक रंजन देखील या जागेवर निवडणूक लढवत आहेत. तर बिहारमधील कुम्हारार विधानसभा मतदारसंघातील तिहेरी लढत पाहायला मिळत आहे. सुरुवातीच्या कलामध्ये जनसुराज्य पक्षाचे उमेदवार केसी सिन्हा या जागेवर आघाडीवर असल्याचे दिसून आले आहे.
advertisement
मतमोजणीला सुरुवात
बिहारमधील 243विधानसभा जागांसाठी शुक्रवारी सकाळी कडक सुरक्षेत मतमोजणी सुरू झाली. अधिकाऱ्यांनी सांगितले की, दोन टप्प्यातील निवडणुकीसाठी सकाळी 8 वाजता 46 मतदान केंद्रांवर मतमोजणी सुरू झाली. निवडणूक आयोगाच्या सूचनेनुसार, प्रथम पोस्टल बॅलेट सुरू झाले, त्यानंतर सकाळी 8.30 वाजता ईव्हीएम मोजणी सुरू झाली.
बिहार विधानसभेच्या 243 जागांसाठी दोन टप्प्यात निवडणुका झाल्या. पहिल्या टप्प्यात 121 जागांसाठी 65% मतदान झाले आणि दुसऱ्या टप्प्यात विक्रमी 68.5 % मतदान झाले. बिहारचे 74.5 दशलक्ष मतदार 2616 उमेदवारांचे निवडणूक भवितव्य ठरवतील, ज्याचा निकाल आज संध्याकाळपर्यंत अंतिम होईल.