मिळालेल्या माहितीनुसार, शुक्रवारी दुपारी २ वाजेच्या सुमारास ही घटना घडली. सराव सुरू असताना अचानक तांत्रिक बिघाड झाला आणि पिलाट्स PC-7 विमान कोसळलं. एका घराजवळ हे विमान कोसळल्यामुळे मोठा अनर्थ टळला. परंतु पायलट धडकण्यापूर्वीच सुरक्षितपणे बाहेर पडण्यात यशस्वी झाला. हवाई दलाने या घटनेबद्दल चौकशीचे आदेश दिले आहे. तसंच प्रकरणावर स्पष्टीकरणही दिलं आहे. 'पिलाटस PC-7 बेसिक ट्रेनर हे विमान प्रशिक्षण मोहिमेवर होते तेव्हा ही घटना घडली.
advertisement
भारतीय हवाई दलाचे PC-7 Mk II प्रशिक्षण विमान नियमित सराव सुरू असताना ही घटना घडली. आज चेन्नईतील तांबरमजवळ सुमारे २.२५ वाजेच्या सुमारास हे विमान कोसळलं. पायलट सुरक्षितपणे बाहेर पडला. विमान हे मोकळ्या जागेत कोसळलं, त्यामुळे नागरी मालमत्तेचं कोणतंही नुकसान झालं नाही, अशी माहिती IAF कडून देण्यात आली. या अपघाताचे कारण निश्चित करण्यासाठी चौकशी आदेश देण्यात आले आहेत.
वर्षभरात विमान कोसण्याची तिसरी घटना
आतापर्यंत या वर्षाच्या सुरुवातीला झालेल्या आयएएफ विमान अपघातांच्या मालिकेनंतर काही महिन्यांतील ही चौथी घटना घडली आहे. या आधी जुलैमध्ये राजस्थानच्या चुरू जिल्ह्यातील भानुदा गावाजवळील एका प्रशिक्षण सरावादरम्यान एक जग्वार लढाऊ विमान शेतात कोसळलं होतं. या दुर्घटनेत २ हवाई दलाच्या जवानांचा मृत्यू झाला होता.
तर, दुसरी घटना ही २ आसनी जेटमध्ये तांत्रिक बिघाड झाला आणि गर्दीच्या ठिकाणी जाण्यापासून आणि हवाई क्षेत्राचे संरक्षण करण्याच्या प्रयत्नात स्क्वाड्रन लीडर लोकेंद्र आणि फ्लाइट लेफ्टनंट ऋषी यांनी विमान खाली पडण्यापूर्वी ते दूर नेलं. या दुर्घटनेत दोन्ही पायलट जखमी झाले होते.
या वर्षीचा हा तिसरा जग्वार विमान अपघात होता. मार्चमध्ये नियमित उड्डाणादरम्यान हरियाणातील अंबालाजवळ सिस्टम बिघाडामुळे आणखी एक जग्वार लढाऊ विमान कोसळलं होतं. पण पायलट सुरक्षितपणे बाहेर पडला. एका महिन्यानंतर, जामनगरजवळ एका जग्वार अपघातात आणखी एका प्रशिक्षण उड्डाणादरम्यान एका पायलटचा मृत्यू झाला होता.