Ankita Walawalkar : अंकिता वालावलकर गुडन्यूज देणार? फॅमिली प्लॅनिंगबद्दल म्हणाली...

कोकण हार्टेड गर्ल अंकिता वालावलकर आणि मराठी मनोरंजनसृष्टीतील लोकप्रिय गायक आणि संगीत दिग्दर्शक कुणाल भगत 16 फेब्रुवारी 2025 रोजी लग्नबंधनात अडकले. सिंधुदुर्ग वालावल येथील श्री लक्ष्मीनारायण मंदिरात अंकिता आणि कुणाल यांनी लग्नगाठ बांधली होती.

अंकिता वालावलकर 'बिग बॉस मराठी'च्या पाचव्या पर्वात सहभागी झाली होती. 'बिग बॉस'च्या घरात असतानाच अंकिताने आपल्या बॉयफ्रेंडबद्दल सर्वांना सांगितलं. त्यानंतर घराबाहेर आल्यानंतर कुणालसोबतचा फोटो शेअर करत तिने आपल्या नात्याची अधिकृत घोषणा केली आणि चाहत्यांना सुखद धक्का दिला.

अंकिता वालावलकर आता गुडन्यूज कधी देणार याची चाहत्यांना उत्सुकता आहे. विशेष म्हणजे चाहत्यांसह अंकिताच्या घरुनही तिला फॅमिली प्लॅनिंगबद्दल विचारणा होत आहे. महाराष्ट्र टाइम्सला दिलेल्या मुलाखतीत अंकिता वालावलकरने आता गुडन्यूज आणि फॅमिली प्लॅनिंगबाबत भाष्य केलं आहे.

मुलाखतीत कुणालला प्रश्न विचारण्यात आला, कुणाल तुझ्या आयुष्यात सुरुवातीला फिरण आणि म्युझिक महत्त्वाचं होतं. नंतर तिसरी गोष्ट अॅड झाली ती म्हणजे अंकिता. आता या तीन गोष्टी तुझ्या आयुष्यात खूप महत्त्वाच्या आहेत. पण आता चौथं कोणी अॅड होणार आहे का? या प्रश्नाचं उत्तर देत कुणाल म्हणाला,"चौथ्यासाठी सगळेच फोर्स करत आहेत. पण आमचे काही कॅलक्युलेशन्स आहेत. काही प्लॅन आहेत".

अंकिता वालावलकर यावेळी म्हणाली,"चौथं म्हणजे फॅमिली प्लॅनिंगबद्दल बोलायचं झालं तर मला माझ्या घरुन, माझ्या आईकडून खूप टोमने मिळत आहेत. विचार करा आता, लहान मुलं वाढवायला ऐवढे पैसे लागतात का? एवढा काय करिअरचा विचार करायचा? असे प्रश्न कुटुंबियांकडून येत आहेत. पण सध्या आपल्याला हे सर्व जमेल का? या गोष्टीची भीती वाटत आहे".

कुणाल भगत पुढे म्हणाला,"सध्या चौथं कोणी महत्त्वाचं नाही. आम्हा दोघांनाही आमचे कुटुंबिय खूप महत्त्वाचे आहेत. आमचं करिअर महत्त्वाचं आहे. माझ्यासाठी संगीत खूप जवळचं असलं तरी आता अंकिता खूप महत्त्वाची झाली आहे. अंकिता थोडी रुसली तरी मला काम होत नाही. म्युझिक, अंकिता आणि कुटुंब या तीन गोष्ट सध्या माझ्यासाठी महत्त्वाच्या आहेत".

अंकिता वालावलकर आणि कुणाल भगतचा मोठा चाहतावर्ग आहे. सोशल मीडियाच्या माध्यमातून दोघेही आपल्या चाहत्यांच्या संपर्कात राहण्यचा प्रयत्न करत असतात. त्यांचे व्लॉग चाहत्यांच्या पसंतीस उतरत असतात.