Jahnavi Killekar Hospitalized : सूरजच्या लग्नात नाच नाच नाचली अन् आजारी पडली, जान्हवी किल्लेकर थेट हॉस्पिटलमध्ये दाखल

बिग बॉस मराठी 5 चा विजेता सूरज चव्हाणचं 29 नोव्हेंबर रोजी मोठ्या धुमधडाक्यात लग्न झालं. सूरज चव्हाणच्या लग्नासाठी चाहत्यांनी प्रचंड गर्दी केली. सूरज आणि सूरजची बायको संजना नवरा नवरीच्या रुपात खूपच सुंदर दिसत होते. सूरज आणि संजना शिवाय या लग्नात खास आकर्षण ठरली ती म्हणजे अभिनेत्री जान्हवी किल्लेकर.

सूरज चव्हाणच्या लग्नात जान्हवी किल्लेकर त्याची मानाची करवली झाली होती. जान्हवी लग्नाआधीच्या सगळ्या विधींपासून सूरजची साथ दिली. सूरज जिथे जाईल तिथे जान्हवी देखील दिसत होती.

सूरज चव्हाणच्या लग्नाची वरात देखील जान्हवी किल्लेकरनं गाजवली. सूरजच्या लग्नात कलवरीलं चांगलाच कल्ला केला. जान्हवी नेहमीप्रमाणेच खूप सुंदर आणि सुरेख दिसत होती.

सूरजच्या लग्नाच जान्हवी खूप मजा केली, वरातीत जीव ओतून नाचली आणि लग्न लावून घरी जाताच जान्हवी आजारी पडली.

जान्हवी इतकी आजारी पडली की तिला उपचारांसाठी रुग्णालयात दाखल करावं लागलं. जान्हवीने तिचे हॉस्पिटलमधील फोटो शेअर केलेत. हे फोटो पाहून चाहत्यांना धक्काच बसला आहे.

नजर इज रिअल असं कॅप्शन देत जान्हवीने तिचे हॉस्पिटल बेडीवरचे फोटो शेअर केलेत. जान्हवीला हॉस्पिटलमध्ये दाखल झाल्याचं पाहून चाहत्यांनी चिंता व्यक्त केली आहे.

चाहत्यांनी कमेंट्स करत जान्हवीबद्दल काळजी व्यक्त केली आहे. सगळ्यांनी तिला काळजी घे असा सल्ला दिला आहे. हॉर्ट इमोजी शेअर करत जान्हवीवर प्रेमही व्यक्त केलं आहे.

सूरजच्या लग्नात जान्हवी किल्लेकर सावलीसारखी त्याच्याबरोबर होती, असं म्हणत चाहत्यांनी तिचं कौतुक केलं. जान्हवीने लग्नात सूरजला सोन्याची अंगठी आहेर म्हणून घातली.

इतकंच नाही तर जान्हवी सूरजच्या लग्नात झालेली गर्दी पाहून चांगलीच भडकली होती. तिने सगळ्यांना गर्दी कमी करण्यासाठी विनंती देखील केली होती.