Weather Alert: अवकाळीची माघार, मराठवाड्यात नवं संकट, संभाजीनगरला 72 तासांसाठी अलर्ट!

मराठवाड्यातील हवामानात मे महिन्याच्या सुरुवातीपासूनच मोठे बदल जाणवत आहेत. गेल्या काही दिवसांत मराठवाड्यात गारपिटीसह वादळी पाऊस झाला. आता मात्र हवामान बदलणार असून तापमानात मोठी वाढ होण्याची शक्यता आहे. पुढील 24 तासांचा हवामान अंदाज जाणून घेऊ.

मराठवाड्यातील हवामानात आजपासून मोठे बदल जाणवत आहेत. गेल्या काही काळात सुरू असणारा वादळी पाऊस आजपासून बंद होण्याचा अंदाज आहे. आज केवळ छत्रपती संभाजीनगरला वादळी पावसाचा यलो अलर्ट देण्यात आला असून बीड, परभणी, लातूर, हिंगोली, नांदेड आणि धाराशिव या जिल्ह्यांना कोणताही इशारा नाही.

जालना, नांदेड, लातूर आणि धाराशिवमध्ये ढगांच्या गडगडाटात तुरळक पावसाची शक्यता आहे. तर बीड, परभणी आणि हिंगोलीत हवामान कोरडे राहील. या जिल्ह्यांत येत्या आठवड्यात हवामानाची हीच स्थिती कायम राहण्याचा अंदाज हवामान विभागाने वर्तवला आहे.

छत्रपती संभाजीनगरमध्ये मात्र आज पुन्हा वादळी पावसाचा इशारा देण्यात आला आहे. वादळी वारे, विजांचा कडकडाट आणि मेघगर्जनेसह पावसाचा अंदाज असून पुढील 3 दिवसांसाठी यलो अलर्ट असणार आहे. या काळात ताशी 40 ते 50 किमी वेगाने वारे वाहतील.

छत्रपती संभाजीनगरमध्ये मात्र आज पुन्हा वादळी पावसाचा इशारा देण्यात आला आहे. वादळी वारे, विजांचा कडकडाट आणि मेघगर्जनेसह पावसाचा अंदाज असून पुढील 3 दिवसांसाठी यलो अलर्ट असणार आहे. या काळात ताशी 40 ते 50 किमी वेगाने वारे वाहतील. मराठवाड्यात गेल्या काही दिवसांत वादळी पाऊस आणि गारपिटीमुळे शेतकऱ्यांचे मोठे नुकसान झाले आहे. आता हवामानात बदल झाले असून हवामान कोरडे राहण्याची शक्यता आहे. उन्हाची तीव्रता पुन्हा वाढू शकते. त्यामुळे शेतकऱ्यांनी पिकांची योग्य ती काळजी घ्यावी. तसेच नागरिकांनी आरोग्य जपावे.