IND vs SA : आफ्रिकेविरूद्ध वनडे मालिका जिंकली, आता पुढे काय? विराट-रोहित पुन्हा कधी मैदानात दिसणार?

टीम इंडियाने साऊथ आफ्रिका विरूद्धची वनडे मालिका ही 2-1 जिंकली आहे.या विजयानंतर रोहित शर्मा आणि विराट कोहली पुन्हा कधी मैदानात दिसणार? असा चाहत्यांना प्रश्न पडला आहे.

खरं तर साऊथ आफ्रिकेविरूद्ध वनडे मालिकेनंतर टीम इंडिया पाच सामन्यांची टी20 मालिका खेळणार आहे. ही मालिका 9 डिसेंबर ते 19 डिसेंबर 2025 दरम्यान खेळवली जाणार आहे.

विराट कोहली आणि रोहित शर्माने टी20मधून निवृत्ती घेतल्याने हे दोन्हीही खेळाडू या मालिकेत दिसणार नाही आहेत. त्यामुळे हे खेळाडू पुन्हा मैदानात कसे दिसणार?असा प्रश्न उपस्थित होत आहे.

तर भारताचे हे दोन्हीही सिनिअर खेळाडू नवीन वर्षातील पहिल्याच महिन्यात खेळताना पाहायला मिळणार आहेत.

कारण नवीन वर्षात म्हणजेच जानेवारी 2026 मध्ये न्यूझीलंड भारताच्या दौऱ्यावर येणार आहेत. या दौऱ्यात ते भारतासोबत तीन वनडे आणि पाच सामन्यांची टी20 मालिका खेळणार आहेत.

भारत आणि न्यूझीलंडच्या यांच्यातील वनडे मालिकेला 11 जानेवारी 2026 पासून सूरुवात होणार आहे.त्यामुळे या मालिकेत रोहित शर्मा आणि विराट कोहलीला खेळताना पाहायला मिळणार आहे.

नवीन वर्षात या दोन्ही सिनिअर खेळाडूंना पाहतांना चाहत्यांचा आनंद द्विगुणीत होणार आहे.यासाठी चाहत्यांना फक्त आणखी एक महिना वाट पाहावी लागणार आहे.