Virat Kohli : दुसऱ्या वनडेआधी कोहलीने मोठा निर्णय घेतला? टीम इंडियातील वादावर पडदा टाकला

रोहित शर्मा आणि विराट कोहली यांच्या भविष्यावरून सध्या टीम इंडियात प्रचंड चर्चा सूरू आहेत. या चर्चे दरम्यान काही नाट्यमय घडामोडीही घडताना दिसत आहेत.

विराट कोहली आणि मुख्य प्रशिक्षक गौतम गंभीर यांच्यातल नातं बिघडलं आहे.कारण दोघांमध्ये भविष्यावरून मतभेद सुरू आहे.

कारण रोहित शर्माने विजय हजारे ट्रॉफी या (वनडे स्पर्धेत) खेळण्यास तयारी दर्शवली आहे. त्याने निवड समितीला देखील याबाबत कळवले होते.

पण विराट कोहली विजय हजारे ट्रॉफी स्पर्धेत खेळण्यास तयार नसल्याची माहिती काही तासांपूर्वी समोर आली होती.त्यामुळे विराट आणि गंभीर मतभेद ताणले गेले होते.

विराट कोहलीच्या या भूमिकेमुळे बीसीसीआयसमोर अडचण निर्माण झाली होती. कारण बीसीसीआय कोणत्याच खेळाडूला सूट द्यायला तयार नाही.त्यात रोहित तयार मग विराटला सूट द्यायची कशी? असा प्रश्न होता.

पण आता विराट कोहलीने देखील होकार कळवल्याची माहिती सुत्रांकडून समोर येत आहे.त्याने विजय हजारे ट्ऱॉफी स्पर्धेत खेळण्यासाठी तयार असल्याची माहिती दिल्याचे बोलले जात आहे.

क्रिकेट सुत्रानुसार विराट कोहलीने दिल्ली क्रिकेटस असोसिएशनला देखील मी विजय हजारे ट्रॉफी खेळण्यासाठी उपलब्ध असेल अशी माहिती दिल्याचे सुत्रांकडून समजते.