TRENDING:
नव्या बॉलने बॉलिंग करत अर्जुनने पहिल्याच ओव्हरमध्ये शिवांग कुमारला आऊट करून गोव्याला चांगली सुरूवात करून दिली. यानंतर दुसऱ्या ओव्हरमध्ये त्याने अंकुश सिंगला पॅव्हेलियनमध्ये पाठवलं. पुढे त्याने व्यंकटेश अय्यरचीही विकेट घेतली. व्यंकटेश अय्यरला केकेआरने मागच्या आयपीएलमध्ये 23.75 कोटी रुपयांना विकत घेतलं होतं, पण खराब कामगिरीनंतर त्याला यंदाच्या लिलावाआधी केकेआरने रिलीज केलं आहे.
advertisement
रजत पाटीदारची विकेट घेण्यातही अर्जुनचं योगदान होतं. कौशिकच्या बॉलिंगवर अर्जुनने रजत पाटीदारचा कॅच पकडला. अर्जुनच्या भेदक बॉलिंगमुळे गोव्याने मध्य प्रदेशला 20 ओव्हरमध्ये 170/6 वर रोखलं. आव्हानाचा पाठलाग करण्यासाठी गोव्याकडून अर्जुन तेंडुलकर ओपनिंगला आला, त्याने 10 बॉलमध्ये 16 रन करून जलद सुरूवात करून दिली. या खेळीमध्ये अर्जुनने 3 फोर मारल्या.
गोव्याने हे आव्हान 18.3 ओव्हरमध्ये 7 विकेट गमावून पार केलं. कर्णधार सुयश प्रभुदेसाईने 50 बॉलमध्ये नाबाद 75 रन ठोकून गोव्याचा विजय निश्चित केला. या स्पर्धेत अर्जुनने आतापर्यंत 7.70 च्या इकोनॉमी रेटने 6 विकेट घेतल्या आहेत. याशिवाय त्याने 120 च्या स्ट्राईक रेटने 65 रन केल्या आहेत. याआधी चंडीगढविरुद्धच्या सामन्यातही अर्जुनने 4 ओव्हरमध्ये 17 रन देऊन 3 विकेट घेतल्या होत्या.
आयपीएल 2026 च्या लिलावाआधी मुंबई इंडियन्सने अर्जुन तेंडुलकरला लखनऊ सुपरजाएंट्सकडे ट्रेड केलं आहे, त्यामुळे यंदाच्या आयपीएलमध्ये अर्जुन तेंडुलकर लखनऊकडून खेळताना दिसणार आहे.