मुलीवर अत्याचार, पीडितेच्या जिवंत वडिलांना वाहिली श्रद्धांजली, पुढे नराधमाने केलं बीडला हादरवणारं कांड!

बीड: गेल्या काही दिवसांपासून बीड जिल्हा सातत्याने विविध गुन्ह्यांसाठी चर्चेत येत आहे. एकीकडे सरपंच संतोष देशमुख हत्या प्रकरण गाजत असताना बीडमध्ये अत्याचार आणि खूनाच्या घटना थांबायचं नाव घेत नाहीयेत. दोन दिवसांपूर्वी बीडच्या माजलगावमध्ये एका ढाबा मालकाची निर्घृण हत्या करण्यात आली. या प्रकरणी सहा जणांना अटक करण्यात आली. हत्येची ही घटना ताजी असताना आता बीडच्या केज तालुक्यात पुन्हा एकदा जिल्ह्याला हादरवणारी घटना समोर आली आहे. इथं एका बलात्कार प्रकरणातील नराधमाने तुरुंगातून सुटल्यानंतर पीडितेच्या वडिलांवर जीवघेणा हल्ला केला आहे.