Jalgaon Crime : जळगावात खळबळ! विरोध केल्याने घरात घुसून छेडछाड, अल्पवयीन मुलीने उचललं टोकाचं पाऊल

विजय वाघमारे, प्रतिनिधी, जळगाव: राज्यातील महिलांवरील अत्याचाराच्या घटना सातत्याने उघडकीस येत आहेत. जळगाव जिल्ह्यात केंद्रीय मंत्री रक्षा खडसे यांच्या मुलीसोबत छेडछाडीचा धक्कादायक प्रकार घडला होता. या प्रकरणानंतर जळगावमधील मुलींच्या सुरक्षिततेचा प्रश्न निर्माण झाला होता. आता, या प्रकरणानंतरही जिल्ह्यात मुलींच्या छेडछाडीची घटना सुरू आहे. घरात घुसूनच टवाळखोरांनी बहिणीचीही छेडछाड केल्याने एका अल्पवयीन मुलीने आत्महत्या करण्याचा प्रयत्न केला आहे. ही घटना जळगाव जिल्ह्यातील धरणगावमध्ये घडली आहे.