बीडमध्ये पैशांसाठी मुकादमाचा मजूर महिलेवर अत्याचार, गावात अश्लील फोटो केले व्हायरल

सुरेश जाधव, प्रतिनिधी बीड: गेल्या काही दिवसांपासून गुन्हेगारी घटनांसाठी बीड सातत्याने चर्चेच्या केंद्रस्थानी आहे. मस्साजोगचे सरपंच संतोष देशमुख यांच्या हत्या प्रकरणाने बीडमधील गुन्हेगारी विश्व संपूर्ण देशासमोर आलं. देशमुख हत्या प्रकरण ताजं असताना आता बीडमध्ये एका मुकादमाने मजूर महिलेवर विकृतीचा कळस गाठला आहे. आरोपीनं पीडित महिलेवर अत्याचार करून तिचे फोटो गावातील व्हॉट्सअॅप ग्रुपवर व्हायरल केले आहेत. या प्रकरणी गुन्हा दाखल करण्यात आला आहे. घटनेचा पुढील तपास पोलीस करत आहेत.