संतोष देशमुखांना मारण्यासाठी वाल्मीक गँगने बनवली 4 खास हत्यारं, तपासात धक्कादायक माहिती उघड

सुरेश जाधव, प्रतिनिधी बीड: बीड जिल्ह्याच्या केज तालुक्यातील मस्साजोगचे सरपंच संतोष देशमुख यांच्या हत्येप्रकरणी दररोज नवनवी माहिती समोर येत आहे. काही दिवसांपूर्वी संतोष देशमुखांना वाल्मीक कराड गँगने कसं मारलं? याबाबतचे काही फोटोज समोर आले होते. ज्यात सुदर्शन घुले आणि त्याचे साथीदार संतोष देशमुखांना अमानुष मारहाण करत असल्याचं दिसून आलं होतं. आरोपपत्रातील हे फोटो व्हायरल झाल्यानंतर महाराष्ट्राचं राजकीय वातावरण ढवळून निघालं होतं. यानंतर अजित पवार गटाचे नेते धनंजय मुंडे यांना मंत्रीपदाचा राजीनामा देखील द्यावा लागला होता.