Jalgaon: 'मला संसार नको, साधू बनायचंय', पत्नीने विरोध करताच शिक्षक झाला सैतान, केलं न शोभणारं कांड

इम्तियाज अहमद, प्रतिनिधी जळगाव: जळगाव जिल्ह्याच्या भुसावळ तालुक्यातील वरणगाव येथे एक विचित्र असा प्रकार समोर आला आहे. वरणगाव परिसरातील एका जिल्हा परिषद शाळेतील शिक्षकाने अचानक साधू बनण्याचा निर्णय घेतल्याने त्यांच्या कुटुंबात एकच खळबळ उडाली. पत्नीने या निर्णयाला विरोध केला असता त्यांच्यात वाद होऊन संतप्त झालेल्या शिक्षकाने तिला मारहाण केली. आरोपी शिक्षक एवढ्यावरच थांबला नाही, तर त्याने पत्नीवर चाकूने हल्ला केला. या प्रकरणानंतर पत्नीने वरणगाव पोलीस ठाण्यात धाव घेऊन पतीविरुद्ध तक्रार दाखल केली आहे.