सलमान खानचा Bigg Boss 19 ला रामराम, 'वीकेंड का वार' कोण करणार होस्ट?

Bigg Boss 19 : 'बिग बॉस 19' हा छोट्या पडद्यावरील लोकप्रिय वादग्रस्त कार्यक्रम आहे. गेल्या काही महिन्यांपासून हा कार्यक्रम प्रेक्षकांचं चांगलच मनोरंजन करत आहे. आता हा कार्यक्रम अंतिम टप्प्यात आला आहे. लवकरच हा बहुचर्चित कार्यक्रमाचा महाअंतिम सोहळा पार पडणार आहे. अशातच आता फिनालेआधी सलमानने 'बिग बॉस 19' हा बहुचर्चित कार्यक्रम सोडल्याचं वृत्त समोर आलं आहे. त्यामुळे आता 'वीकेंड का वार' कोण होस्ट करणार याकडे चाहत्यांचं आता लक्ष लागलं आहे. 'बिग बॉस 19'च्या चाहत्यांसाठी या आठवड्याचा वीकेंडचा वार थोडा वेगळा असणार आहे. सलमान खान 'वीकेंड का वार'मध्ये प्रत्येक आठवड्यात स्पर्धकांची शाळा घेताना दिसून येतो. पण आता यंदाचा वीकेंड का वार थोडा वेगळा असणार आहे. सलमान खान सध्या इंटरनॅशनल डंबग टूरवर आहे. या चित्रपटाच्या व्यस्ट शूटिंगमुळे सलमानला या आठवड्यात 'बिग बॉस 19'च्या शूटिंगसाठी मुंबईत येता आलेलं नाही. त्यामुळे निर्माते आता नव्या होस्टच्या शोधात आहेत.