Gauri Garje: अनंत गर्जेची आता 'पॉलीग्राफ टेस्ट', 'द फॅमिली मॅन' सीरिजमध्ये दाखवला होता सीन; असा मिळतो Result!

मुंबई: काही दिवसांपूर्वी राज्याच्या पर्यावरण मंत्री पंकजा मुंडे यांचे पीए अनंत गर्जे यांच्या पत्नी, डॉ. गौरी पालवे-गर्जे यांनी वरळी येथील घरी गळफास घेऊन आत्महत्या केल्याची धक्कादायक घटना घडली. मात्र, गौरीच्या कुटुंबीयांनी ही आत्महत्या नसून हत्या असल्याचा थेट आरोप केल्याने या प्रकरणाला आता गंभीर वळण मिळाले आहे. गौरीच्या कुटुंबाने आरोप केला आहे की, अनंतचे इतर महिलेसोबतचे संबंध उघड झाल्यामुळे अनंत आणि त्याचे कुटुंबीय गौरीला सातत्याने त्रास देत होते. या प्रकरणाच्या कोर्टातील सुनावणीत आज एक महत्त्वाची अपडेट समोर आली आहे, ज्यामुळे तपासाची दिशा बदलणार आहे.