Govinda Health Update : मध्यरात्री अ‍ॅडमिट, दुपारी डिस्चार्ज, गोविंदाला झालेलं काय? स्वत:च दिली हेल्थ अपडेट

Govinda : अभिनेता गोविंदा यांची प्रकृती खालावल्याने त्यांना मध्यरात्री रुग्णालयात दाखल करण्यात आले होते. घरी चक्कर आल्याने त्यांच्या कुटुंबियांना त्यांना तात्काळ रुग्णालयात दाखल केले होते. पण आता दुपारी गोविंदा यांना रुग्णालयातून डिस्चार्ज मिळाला आहे. विशेष म्हणजे रुग्णालयातून बाहेर पडताच गोविंदा यांनी स्वत:च मीडियासोबत हेल्थ अपडेट शेअर केली आहे. धर्मेंद्र यांच्या पाठोपाठ गोविंदा यांना रुग्णालयात दाखल केल्याने चाहत्यांकडून चिंता व्यक्त केली जात होती. पण आता दोघांनाही रुग्णलायातून डिस्चार्ज मिळाला असल्याने चाहत्यांनी सुटकेचा निश्वास घेतला आहे. मुंबईतील क्रिटिकेअर रुग्णालयात गोविंदा यांच्यावर उपचार सुरू होते. आता 24 तासांच्या आत त्यांना डिस्चार्ज मिळाला आहे.