वयाच्या 90 व्या वर्षी प्रेम चोप्रा गंभीर आजाराने ग्रस्त, जावयाने दिली हेल्थ अपडेट

Prem Chopra : बॉलिवूडचे ज्येष्ठ अभिनेते प्रेम चोप्रा गेल्या काही दिवसांपासून चर्चेत आहेत. गेल्या महिन्यात अचानक त्यांची तब्येत बिघडल्याने त्यांना रुग्णालयात दाखल करावे लागले. तेव्हापासून ते सतत चर्चेत होते. नोव्हेंबरमध्ये हृदयाशी संबंधित समस्येमुळे त्यांना मुंबईतील लीलावती रुग्णालयात दाखल करण्यात आले. काही दिवसांच्या उपचारानंतर त्यांना डिस्चार्ज देण्यात आला. आता त्यांची प्रकृती स्थिर असून ते घरी विश्रांती घेत आहेत. या दरम्यान त्यांच्या जावयाने आणि अभिनेते शरमन जोशीने एका पोस्टद्वारे चाहत्यांना त्यांच्या आरोग्याबाबतची माहिती दिली. शरमन जोशी यांनी प्रेम चोप्रा यांना नेमका कोणता आजार झालाय? आणि त्यावर ते कसा उपचार करत आहेत याबद्दल सांगितलं आहे.