रेखाला झालाय जया बच्चनचा आजार? एअरपोर्टवर लेडी फॅनला धक्का, नेटकरी संतापले VIDEO

Rekha : दिग्गज अभिनेत्री आणि राजकारणी जया बच्चन सध्या चर्चेत आहेत. पापराझींना 'अनप्रोफेशनल' असं त्या म्हणाल्या होत्या. तसेच पापराझी आवडत नसल्याचंही त्या म्हणाल्या होत्या. खरंतर सतत फोटोसाठी उपलब्ध राहण्याचा दबाव कलाकारांवर वाढत चालला आहे. अनेकदा या विषयावर चर्चा झाली आहे. एकीकडे जया बच्चन यांचे पापराझीबद्दलचे व्हिडीओ व्हायरल होत असताना दुसरीकडे दिग्गज अभिनेत्री रेखादेखील एका कृतीमुळे चर्चेत आल्या आहेत. रेखा यांचा एअरपोर्टवरील एक व्हिडीओ सध्या सोशल मीडियावर व्हायरल होत आहे. या व्हिडीओमध्ये अभिनेत्राचा बिघडलेला मूड स्पष्ट दिसत आहे. एअरपोर्टवर एका चाहतीने रेखाचा रस्ता अडवत सेल्फीची विनंती केली तेव्हा रेखा सेल्फी न देता सरळ त्या चाहतीला धक्का देत पुढे निघून गेली. रेखाच्या या वागणुकीवर नेटकरी संतापले आहेत. जया बच्चन यांच्यानंतर रेखा आता वादाच्या भोवऱ्यात अडकल्या आहेत. रेखाचा व्हिडीओ सोशल मीडियावर चांगलाच व्हायरल होत आहे. नेटकरी रेखाला 'जया बच्चन 2.0' म्हणू लागले आहेत.