Shah Rukh Khan : धडकी भरवणारी नजर, खतरनाक सस्पेन्स; शाहरुखच्या वाढदिवशी KING चा फर्स्ट लूक आऊट

Shah Rukh Khan KING Title Reveal : बॉलिवूडचा बादशाह शाहरुख खान (Shah Rukh Khan Birthday) आज आपला 60 वा वाढदिवस साजरा करत आहे. शाहरुखच्या वाढदिवशी आज त्याच्या आगामी 'KING' या बहुप्रतीक्षित चित्रपटाची पहिली झलक आऊट करण्यात आली आहे. धडकी भरवणारी नजर, भडक अॅक्शन, खतरनाक सस्पेन्स, असा काहीसा शाहरुखचा 'KING'चित्रपटातील फर्स्ट लूक आहे. दिग्दर्शक सिद्धार्थ आनंद यांनी त्यांच्या बहुप्रतीक्षित ‘किंग’चा टायटल रिवील व्हिडिओ शेअर केला आहे. रेड चिलीज एंटरटेनमेंट आणि मार्फ्लिक्स पिक्चर्सच्या बॅनरअंतर्गत निर्मिती करण्यात आलेला ‘किंग’ हा चित्रपट 2026 मध्ये प्रदर्शित होईल. या चित्रपटात शाहरुख खानचं कधीही न पाहिलेलं रूप पाहायला मिळणार आहे. किंग खानच्या संपूर्ण जगभरातील चाहत्यांना हा चित्रपट नक्कीच आवडेल.