शर्लिन चोप्रा काढून टाकणार हेव्ही ब्रेस्ट इम्प्लांट, हॉस्पिटलमधून शेअर केला VIDEO, सांगितलं भयंकर कारण

Bollywood Actress : भारतीय मनोरंजनसृष्टीतील लोकप्रिय मॉडेल आणि अभिनेत्री शर्लिन चोप्रा सध्या आपल्या वैयक्तिक आयुष्यामुळे चर्चेत आहे. शर्लिनने आजवर अनेक हिंदी, तेलुगू आणि तमिळ चित्रपटांत आपल्या अभिनयाचा ठसा उमटवला आहे. तिने 2007 मध्ये 'रेड स्वस्तिक' या चित्रपटाच्या माध्यमातून बॉलिवूडमध्ये पदार्पण केलं होतं. तसेच 'बिग बॉस ओटीटी' या लोकप्रिय कार्यक्रमातदेखील ती सहभागी झाली आहे. पण शर्लिन सध्या कोणत्या आगामी चित्रपटामुळे चर्चेत आलेली नाही. शर्लिनने ब्रेस्ट इम्प्लांट केलं आहे. बॉलिवूड अभिनेत्री सुंदर दिसण्यासाठी विविध शस्त्रक्रिया करत असतात. आता शर्लिनचीही यात भर पडली आहे. ब्रेस्ट इम्प्लांटनंतर आता शर्लिनला प्रचंड त्रास होत आहे. असह्य होणाऱ्या वेदनांमुळे शर्लिनची प्रकृतीदेखील बिघडली आहे. अभिनेत्रीने सोशल मीडियावर एक व्हिडीओ शेअर करत चाहत्यांना याबाबत माहिती दिली आहे.