बॉलिवूडवर शोककळा! शाहिद कपूरच्या ऑनस्क्रिन आजीचं निधन, अभिनेत्री कामिनी कौशल काळाच्या पडद्याआड

बॉलिवूडचे ज्येष्ठ अभिनेते धर्मेंद्र 12 दिवस मुंबईतील ब्रीच कँडी रुग्णालयात होते. त्यांची प्रकृती चिंताजनक होती. ते व्हेंटिलेटरवर होते. त्यांच्या प्रकृतीत सुधारणा झाल्यानंतर त्यांना डिस्चार्ज देण्यात आला. त्यांच्यावर त्यांच्या घरी उपचार सुरू आहेत. धर्मेंद्र यांच्या प्रकृतीबाबत सगळ्यांचा चिंता लागून राहिलेली असतानाच बॉलिवूडमधून एक धक्कादायक माहिती समोर येत आहे. दिग्गज अभिनेत्री कामिनी कौशल यांचं वृद्धापकाळानं निधन झालं आहे. वयाच्या 98 व्या वर्षी त्यांनी अखेरचा श्वास घेतला.