Winter special Kadha : सर्दी आणि खोकला मुळापासून संपेल! स्वयंपाकघरातील 'या' वस्तूंनी बनवा खास काढा..

आयुर्वेद तज्ज्ञ डॉ. संतोष मौर्य सांगतात की, हिवाळ्यात शरीर आतून गरम ठेवले तर सर्दी-खोकल्यासारख्या समस्यांपासून बचाव करता येतो. स्वयंपाकघरात सहज उपलब्ध असलेल्या सुंठ, हळद, आले, तुळस आणि काळी मिरी यांसारख्या औषधी वस्तूंपासून तयार केलेला काढा या हंगामात खूप फायदेशीर ठरतो.

काढा बनवण्यासाठी एका कपात पाणी घेऊन त्यात सर्व सामग्री मिसळा आणि पाणी अर्धे होईपर्यंत उकळा. त्यानंतर गाळून तो कोमट असताना प्या. डॉ. मौर्य यांच्या मते, या काढ्याचे सकाळ-संध्याकाळ तीन दिवस सलग सेवन केल्यास सर्दी-खोकल्यात खूप आराम मिळतो. गरज वाटल्यास तो सात दिवसांपर्यंतही घेता येऊ शकतो. हा काढा शरीर गरम ठेवतो आणि घसा खवखवणे, कफ आणि ताप यांसारख्या समस्या दूर करतो.

डॉ. मौर्य यांनी सांगितले की, याशिवाय त्रिकटू चूर्ण आणि गुळवेल चूर्ण देखील थंडीत खूप लाभदायी आहेत. त्रिकटू चूर्ण मधासोबत किंवा तुळस आणि आल्यासोबत कोमट करून घेतले जाऊ शकते. तसचेच गुळवेलाचे चूर्ण रोगप्रतिकारशक्ती वाढवण्यास आणि संसर्गापासून बचाव करण्यास मदत करते. या दोन्ही औषधी आयुर्वेदिक दुकानांमध्ये आणि रुग्णालयांमध्ये सहज उपलब्ध आहेत.

डॉ. मौर्य यांनी सांगितले की, थंडीत हे घरगुती उपाय अवलंबून लोक औषधांवरील अवलंबित्व कमी करू शकतात. नियमितपणे काढ्याचे सेवन केल्याने केवळ सर्दी-खोकल्यातून आराम मिळतो आणि शरीरही नैसर्गिकरित्या मजबूत होते. थंडीच्या दिवसात कोमट पाणी प्या, हलका आणि पौष्टिक आहार घ्या आणि सकाळचे ऊन अवश्य घ्या असा सल्लाही त्यांनी दिला आहे. प्रत्येकाची शारीरिक क्षमता वेगळी असते. त्यामुळे आहारात कोणताही मोठा बदल करण्याआधी तुमच्या डॉक्टरांचा सल्ला नक्की घ्या.