Nashik: 45 वर्षीय महिलेनं तब्बल 14 बाळांना दिला होता जन्म, 6 मुलांना विकलं; नाशिकमधील घटना

नाशिक:  नाशिकमधून एक अत्यंत धक्कादायक आणि तितकीच संतापजनक बातमी समोर आली आहे. त्र्यंबकेश्वर तालुक्यातील टाके देवगाव पैकी बरड्याची वाडी या गावात राहणाऱ्या एका 45 वर्षीय महिलेनं तब्बल 14 अपत्यांना जन्म दिला. मात्र या महिलेनं घरची हलाखीची परिस्थिती असल्यानं पैशांसाठी 14 पैकी आपली 6 मुलं आणि मुली विकल्याची धक्कादायक माहिती समोर आलीये.

एका भावाला शहापूरला तर एका भावाला जवळच असलेल्या नातेवाईकाला मुलगा होत नसल्यान विकलं, अशी माहिती दिली तर सामाजिक कार्यकर्ते भगवान मधे यांनी या सगळ्या प्रकरणाची सखोल चौकशी करण्याची मागणी केली आहे.

पैशासाठी मुलांची विक्री केल्याच्या या घटनेचा शोध घेण्यासाठी न्यूज 18 लोकमतची टीम नाशिकच्या त्र्यंबकेश्वर तालुक्यातील टाकी देवगावचा बाराड्याची वाडी या पाड्यावरील बच्चुबाई विष्णू हांडोगे या महिलेच्या घरी पोहोचली तेव्हा या मुलांनी जी माहिती दिली ती धक्कादायक होती. "आमच्या आई-वडिलांनी दहा हजार रुपयांसाठी आमच्या भावाला विकलं एका भावाला शहापूरला तर एका भावाला जवळच असलेल्या नातेवाईकाला मुलगा होत नसल्याने विकलं अशी माहिती दिली तर सामाजिक कार्यकर्ते भगवान मधे यांनी या सगळ्या प्रकरणाची सखोल चौकशी करण्याची मागणी केली आहे.