Walmik Karad: वाल्मिक कोर्टात म्हणाला, खून आणि खंडणीशी माझा संबंध नाही, धनंजय देशमुख म्हणाले...

बीड : खून आणि खंडणी प्रकरणात माझा सहभाग नसल्याने मला दोषमुक्त करा, अशी मागणी सरपंच हत्या प्रकरणातील मुख्य आरोपी वाल्मिक कराडने केली. देशमुख खुनात माझ्या विरोधात पुरावा नाही. सहभाग असल्याचेही सिद्ध होत नाही. त्याशिवाय, मी खंडणी मागितल्याचेही समोर आले नाही, असे कराडने आपल्या दोषमुक्तीच्या अर्जात म्हटले आहे. तुरुंगातून बाहेर येण्यासाठी वाल्मिकने ही चाल खेळल्याचे बोलले जाते. पुढील सुनावणीत यासंबंधी अधिक विस्तृतपणे न्यायालयात म्हणणे मांडले जाईल, असे वाल्मिक कराडच्या वकिलांनी सांगितले.