Solapur Dr Shirish Valsangkar : मुलीला सासरहून खास बोलावलं, डॉ. वळसंगकरांनी मृत्यूपत्रात कोणता बदल केला? समोर आली महत्त्वाची अपडेट

न्यूरो फिजिशिअन डॉ. शिरीष वळसंगकर हे शुक्रवारी (18 एप्रिल) आत्महत्या केली. आत्महत्या प्रकरणी पोलिसांचा तपास सुरू असून काही गोष्टी समोर येत आहे. एका वृत्तपत्राने दिलेल्या वृत्तानुसार, डॉ. वळसंगकर हे आत्महत्या करण्यापूर्वी वकिलाच्या घरी गेले होते. तिथे त्यांनी आपल्या मृत्युपत्रात बदल केल्याची माहिती सूत्रांनी दिली.

डॉ. शिरीष वळसंगकर यांनी आत्महत्येपूर्वी मृत्यूपत्रात बदल केला असल्याची माहिती समोर आल्यानंतर चर्चांना उधाण आले होते. एका वृत्तपत्राने दिलेल्या माहितीनुसार, डॉ. वळसंगकर यांनी आपली कन्या नेहा यांना सासरहून खास बोलावून घेतले होते. आधीच्या मृत्यूपत्रात डॉ. शिरीष वळसंगकर बदल करत मुलगी नेहा यांच्या संपत्तीच्या वाट्यात वाढ केली. पूर्वीच्या मृत्यूपत्रामध्ये संपत्तीचा हिस्सा कमी होता. त्यानंतर नव्या मृत्यूपत्रात तुलनेनं कमी असलेला हिस्सा यामध्ये वाढवण्यात आला. आता हा वाटा 20 टक्के करण्यात आल्याची माहिती सूत्रांनी दिली.

डॉ. वळसंगकर यांनी 18 एप्रिल रोजी रात्री 8.30 वाजण्याच्या सुमारास डोक्यात गोळ्या झाडून आत्महत्या केल्या. त्यावेळी नेहा या आपल्या मातोश्रीसह घरीच होत्या. डॉक्टरांच्या आत्महत्येनंतर त्यांची कन्या अचानकपणे सोलापुरात आल्याने चर्चा सुरू झालेल्या. मात्र, डॉक्टरांच्या मनात आत्महत्येचा विचार काही दिवसांपासून घोळत असावा आणि त्यांनी टोकाचं पाऊल उचलण्याआधीच मृत्यूपत्र बदलले असल्याची माहिती सूत्रांनी दिली.

आपल्या कायद्यानुसार वडिलांच्या संपत्तीतील वाटा मुलीला देण्याचा नियम आहे, तो त्यानुसार दिलाच असेल. पण हा हिस्सा डॉक्टरांच्या अन्य संपत्तीचा असावा अशी माहिती एका वृत्तपत्राने वकिलांच्या हवाल्याने दिली आहे.