बिहारमध्ये महायुतीला बहुमत कसं मिळालं? कोणत्या फॅक्टरने काम केलं? एकनाथ शिंदे यांचं खास विश्लेषण

मुंबई: बिहार विधानसभा निवडणुकीत राष्ट्रीय लोकशाही आघाडी अर्थात एनडीएने २०० हून अधिक जागांवर आघाडी मिळवत २०१० सालच्या विजयाची पुनरावृत्ती केली आहे. महाराष्ट्र विधानसभा निवडणुकीप्रमाणेच बिहारमध्येही लाडकी बहीण फॅक्टरचा प्रभाव दिसून आला. १ कोटी महिलांच्या खात्यात तब्बल १० हजार रूपये सरकारी तिजोरीतून टाकल्याने महिला वर्गाने एनडीएला भरभरून मतरुपी दान दिले. महाराष्ट्रात जसे महायुतीने महाविकास आघाडीला लोळवून निर्विवाद वर्चस्व मिळवले तसेच बिहारमध्येही भाजप-नितीश कुमार यांच्या जोडीने तेजस्वी यादव आणि काँग्रेसला आस्मान दाखवून बिहार विधानसभेवर पुन्हा महायुतीचा झेंडा फडकवला. या निकालाचे विश्लेषण राज्याचे उपमुख्यमंत्री एकनाथ शिंदे यांनी केले आहे.