शिरूरमध्ये बिबट्याचा धुडगूस, अनेकांवर हल्ले, वनमंत्री नाईक म्हणाले, बिबट दिसता क्षणी गोळ्या घाला

सचिन तोडकर, प्रतिनिधी, शिरूर: गेल्या दोन आठवड्यांपासून उत्तर पुणे जिल्ह्याच्या तीन चार तालुक्यांत बिबट्याने धुडगूस घातला असून अनेकांवर हल्ले केले आहेत. बिबट्याच्या हल्ल्यात चार ते पाच जणांना मृत्यू झाला असून गुरांवरही हल्ले झाले आहेत. याच पार्श्वभूमीवर ग्रामीण भागात होत असलेल्या आंदोलनाला वनमंत्री गणेश नाईक यांनी भेट दिली.मी मंत्री म्हणून नाही तर माणूस म्हणून आल्याचे सांगत आंदोलनातील गुन्ह्यांवर कारवाई करू नका असे त्यांनी प्रशासानाला बजावले तसेच हिंस्र बिबट लोकांसमोर येत असेल तर त्याला गोळ्या घाला, असे थेट आदेश वनमंत्री नाईक यांनी दिले.