जळगाव रेल्वे स्थानकात पोलिसाची 'बेवारस कार' अन् येऊ लागला रहस्यमय आवाज, बॉम्ब स्कॉडने दार उघडला अन्...

Jalgaon railway station Car News : सकाळचे 10:30... स्थळ जळगाव रेल्वे स्थानक... नेहमी प्रवाशांच्या गजबजाटाने ओतप्रोत असलेले हे ठिकाण आज एका अज्ञात भीतीखाली थरथरले. प्लॅटफॉर्म क्रमांक तीन जवळ अचानक एका बेवारस कारने सर्वांचे लक्ष वेधले. पण ही केवळ एक सामान्य बेवारस कार नव्हती, तर तिच्यातून येत होता एक रहस्यमय, लयबद्ध बीपचा आवाज! सकाळच्या शांत वातावरणात हा बीपचा आवाज एखाद्या वेळेच्या बॉम्बप्रमाणे ऐकू येत होता. प्रवाशांच्या चेहऱ्यावर भीतीची छाया पसरली. 'आत काय असेल?' या विचाराने त्यांच्या मनात काहूर उठलं. काही मिनिटांतच ही बातमी वाऱ्यासारखी परिसरात पसरली आणि बघता बघता नागरिकांची मोठी गर्दी जमा झाली.