Maharashtra Elections Sharad Pawar : भाजपने डॉग स्कॉड पाळलंय, सदाभाऊंच्या वक्तव्यावर जयंत पाटलांची बोचरी टीका

आसिफ मुरसल, प्रतिनिधी, सांगली : शेतकरी नेते आणि महायुतीमधील घटक असलेले सदाभाऊ खोत यांनी शरद पवारांवर टीका करताना त्यांच्या शारिरीक व्याधींवर भाष्य केले. भाजप उमेदवार गोपीचंद पडळकर यांच्या निवडणूक प्रचार सभेत बोलताना सदाभाऊ खोत यांच्या जीभेवरील नियंत्रण सुटले. त्यांच्या या वक्तव्याचे राजकीय वर्तुळात पडसाद उमटू लागले आहेत. भाजपने एक डॉग स्कॉड पाळलं असल्याची बोचरी टीका राष्ट्रवादी काँग्रेस शरद पवार गटाचे प्रदेशाध्यक्ष जयंत पाटील यांनी केली. उपमुख्यमंत्री देवेंद्र फडणवीस यांचे या वक्तव्याला समर्थन आहे का, हे त्यांनी स्पष्ट करावे , अशी मागणीदेखील जयंत पाटील यांनी केली.