एका बेडकामुळे पलटल्या दोन रिक्षा, मुंबईजवळ विचित्र अपघातात सात जखमी

पालघर जिल्ह्याच्या पारोळमध्ये अपघाताची एक विचित्र घटना समोर आली आहे. इथं एका बेडकामुळे दोन रिक्षांचा भीषण अपघात झाला आहे. दोन्ही एकमेकांना धडकल्याने त्या पलटी झाल्या आहेत. या अपघातात दोन्ही रिक्षा चालकांसह एकूण सात जण जखमी झाले. यातील दोन प्रवाशांची प्रकृती चिंताजनक असून त्यांच्यावर वसई येथील एका खासगी रुग्णालयात उपचार सुरू आहे. एका बेडकामुळे असा भीषण अपघात झाल्याने या अपघाताची सर्वत्र चर्चा सुरू आहे.