Jalgaon Railway Accident : रेल्वे ट्रॅकवर मृत्यूचा तांडव, पुष्पक रेल्वे दुर्घटनेत मृताचा आकडा 12 वर

जळगाव : जळगावच्या पाचोरा रेल्वे स्थानकाजवळ भीषण  दुर्घटना घडली आहे. पुष्पक एक्सप्रेसमध्ये आग लागल्याची अफवा पसरल्यानंतर प्रवाशांनी ट्रेनमधून उड्या मारायला सुरूवात केली, त्याचवेळी समोरून जाणाऱ्या ट्रेनखाली काही प्रवासी आले आहेत, या अपघातामध्ये सात ते आठ जणांचा मृत्यू झाल्याची प्राथमिक माहिती होती. मात्र, संध्याकाळी मृतांचा आकडा वाढला आहे. मृतांची संख्या 12 वर पोहोचली आहे. मृतांची संख्या आणखी वाढण्याची भीती वर्तवली जात आहे.  आगीची अफवा पसरल्यानंतर प्रवाशांनी ट्रेनमधून उड्या मारायला सुरूवात केली, तेव्हाच समोरून बंगळुरू एक्सप्रेस जात होती, या एक्सप्रेसखाली काही प्रवासी आले, ज्यात त्यांचा मृत्यू झाला आहे. मृतांचा आकडा वाढण्याची भीती वर्तवण्यात येत आहे.