BREAKING: वाल्मीकचं एन्काऊंटर, कोट्यवधींची ऑफर, गौप्यस्फोट करणारा PSI ताब्यात

अभिजीत पोते, प्रतिनिधी पुणे: मस्साजोगचे सरपंच संतोष देशमुख यांचं हत्या प्रकरण काही केल्या शांत होताना दिसत नाहीये. या प्रकरणात दररोज नवनवीन अपडेट समोर येत आहेत. अलीकडेच निलंबित पीएसआय रणजीत कासले यांनी या प्रकरणात मोठा गौप्यस्फोट केला होता. संतोष देशमुख प्रकरणातील मुख्य आरोपी वाल्मीक कराडच्या एन्काऊंटरची आपल्याला ऑफर देण्यात आली होती. ही ऑफर दुसरी तिसरी कुणी नव्हे तर धनंजय मुंडे यांच्याकडून देण्यात आली होती, असा गौप्यस्फोट रणजीत कासले यांनी केला होता.