लेकरं, पोलिसांसमोर ठाकरे गटाच्या पदाधिकारी महिलेला निर्वस्त्र मारहाण, आता जीवन संपवण्याच्या स्टेट्सने खळबळ

बुलढाणा जिल्ह्यातील लोणार तालुक्यात चिखला गावात छत्रपती शिवाजी महाराजांचा पुतळा बसवल्यावरून गावात वाद उफाळला होता. उफाळलेल्या वादातून गावामध्ये महिलांमध्ये तुंबळ हाणामारी झाल्याची घटना घडली. यावेळी शिवसेना ठाकरे गटाच्या बुलढाणा महिला जिल्हा उपप्रमुख संजीवनी वाघ यांना देखील या वादात मारहाण झाल्याचं समोर आलं होतं. गावातील महिलांनी वाघ यांना मारहाण केली. निवस्त्र करत या महिलांनी त्यांना मारहाण केली. या घटनेचे व्हिडीओ व्हायरल झाले आहे.

या प्रकरणानंतर संजीवनी वाघ यांनी आपल्या व्हॉट्सअप स्टेट्स उद्या शनिवारी ७ वाजता आत्महत्या करणार असा मजकूर लिहिला आहे, त्यामुळे एकच खळबळ उडाली आहे. पोलिसांनी या प्रकरणाची दखल घेत तातडीने संजीवनी वाघ यांच्या घरी धाव घेतली आहे. या प्रकरणामुळे बुलडाण्यात तणावपूर्ण वातावरण आहे.