यवतमाळच्या ब्रिटिशकालीन शकुंतला रेल्वेची चाके का थांबली? काय आहे इतिहास पाहा Video

ब्रिटिशकालीन शकुंतला रेल्वेला 25 डिसेंबर 1903 ला यवतमाळ ते मूर्तिजापूर सुरुवात झाली. स्वातंत्र्य सैनिक श्रीमंत बळवंतराव देशमुख यांच्या पत्नी शकुंतला बाईंच्या नावावरून या रेल्वेला शकुंतला असं नाव पडलं आहे. शकुंतला बाईंचे वडील रेल्वेमध्ये अधिकारी होते. शकुंतला बाईंच्या नावाने सुरू झालेल्या रेल्वेची अवस्था बघून ही रेल्वे लवकरात लवकर सुरू व्हावी आणि ऐतिहासिक वारसा कायम राहावा जपला जावा यासाठी शकुंतलेला वाचवण्यासाठी एकत्र आलेल्या नागरिकांकडून शकुंतला पुन्हा सुरू करण्याची मागणी रेटून धरली जात आहे. मात्र भविष्यात ही ऐतिहासिक ब्रिटिशकालीन रेल्वे कधी सुरू होते याकडेच सर्वजण उत्सुकतेने बघत आहेत.

शकुंतला रेल्वे बचाव सत्याग्रहाच्या वतीने 2011 सालापासून सत्याग्रह सातत्याने सुरू आहे. हा प्रश्न अत्यावश्यक आहे. कारण ही रेल्वे शेतकरी, शेतमजूर, आदिवासी, दुर्बल घटकांसाठी हे अत्यंत महत्त्वाची रेल्वे आहे. मेळघाटातील आदिवासींसाठी ही रेल्वे अत्यंत महत्त्वाची ठरली आहे. सर्व सुविधांनी युक्त करून ही रेल्वे सुरू करण्यात यावी अशी मागणी केल्या 2011 पासून करण्यात येत आहे. आता जेमतेम ब्रॉडगेजच्या बाता सुरू आहेत, ब्रॉडगेजचा सर्वे सुरू आहे असेही ऐकण्यात येत आहे. शकुंतला रेल्वे ही सुरळीत सुरू असताना अचानक अगदी किरकोळ कारणासाठी बंद केली गेली. ती तातडीने सुरू करण्यात यावी अशी सर्वसामान्यांची आणि शकुंतला रेल्वे बचाव समितीची मागणी असल्याचं विजय विल्हेकर यांनी सांगितलं.