Mumbai News : विवाहित मित्रासोबत फिरायला गेली, घरी परतलीच नाही, घरच्यांनी कॉल केला अन् सगळेच हादरले

हाफिज फेब्रुवारी 2024 मध्ये अंधेरी पश्चिम येथील लोखंडवाला कॉम्प्लेक्समधील नेचर बास्केट शॉपमध्ये काम करत होता. त्याच काळात इंटर्न कोर्ससाठी आलेल्या नाझनीनशी त्याची ओळख झाली आणि मैत्री झाली. अपघाताच्या दिवशी कॉलेज सुटल्यानंतर नाझनीनने हाफिजला अंधेरी पूर्व येथे भेटायला बोलावले होते. दोघेही हाफिजच्या मोटारसायकलवरून आरे गार्डन आणि वर्सोवा परिसरात फिरले.

रात्री नऊच्या सुमारास नाझनीनच्या कुटुंबीयांनी तिला घरी निघायला सांगितले होते त्यामुळे हाफिज तिला घरी सोडण्यासाठी मोटारसायकलने निघाला. दरम्यान वीरा देसाई रोडवर पोहोचल्यावर हाफिजने सिमेंट ट्रकला डाव्या बाजूने ओव्हरटेक करण्याचा प्रयत्न केला. त्यावेळी ट्रकने मोटारसायकलला धडक दिली आणि चाक नाझनीनच्या डोक्यावरून गेल्यामुळे तिचा मृत्यू झाला.