पश्चिम रेल्वे प्रवाशांसाठी मोठा निर्णय, आता थेट 15 डब्ब्यांची गाडी इथं पर्यंत धावणार

सध्या उपनगरीय लोकल सेवा डहाणू येथेच संपतात, मात्र फलाटांच्या मर्यादित लांबीमुळे 15 डब्यांच्या रेकला तेथे जागा अपुरी पडते. सफाळे रेल्वे फाटकाचा अडथळा दूर झाल्यानंतर आणि उमरोळी स्थानकातील फलाट रुंदीकरणाचे काम मार्गी लागल्यानंतर परिस्थिती अनुकूल झाली आहे. डहाणू स्टेशनवरील एका फलाटावर दिवसभर ठेवण्यात येणारी डहाणू–वडोदरा इंटरसिटी एक्सप्रेस यार्डमध्ये हलवता आल्यास तो फलाट 15 डब्यांच्या लोकलसाठी वापरता येऊ शकेल. त्यामुळे मोठे फलाटविस्तार न करताही उपनगरी सेवेचा विस्तार सुलभ होण्याची शक्यता रेल्वे अधिकाऱ्यांनी व्यक्त केली आहे.

सध्या डहाणू–विरार या दरम्यान दररोज दोन्ही बाजूंनी 19 लोकल सेवा उपलब्ध आहेत. मात्र 2026 पासून सेवावाढ करण्याचा रेल्वेचा प्राथमिक आराखडा तयार करण्यात येत आहे.

या मागण्यांची तात्काळ अंमलबजावणी झाल्यास पालघर लोकसभा क्षेत्रातील लाखो प्रवाशांचा प्रवास अधिक सुरक्षित, सोयीस्कर आणि वेगवान होईल असा विश्वास व्यक्त केला जात आहे.