Mumbai News: बाबासाहेबांचं मुंबईतलं घर पाहायचंय? 3 डिसेंबरपासून मुंबईत खास मोफत उपक्रम

भारतीय राज्यघटनेचे शिल्पकार, महामानव डॉ. बाबासाहेब आंबेडकर यांचा महापरिनिर्वाण दिन 6 डिसेंबर रोजी असतो. यानिमित्त दादरच्या चैत्यभूमीवर देशभरातून नागरिक बाबासाहेबांच्या दर्शनासाठी मोठ्या प्रमाणावर गर्दी होते. यानिमित्त महाराष्ट्र राज्याच्या पर्यटन विभागाने चैत्यभुमीवर दर्शनासाठी येणाऱ्या पर्यटकांसाठी एक स्तुत्य उपक्रम सुरू केला आहे. चैत्यभुमीला भेट देणाऱ्या पर्यटकांसाठी एका नवीन उपक्रमांतर्गत सहलीचे आयोजन केले जाणार आहे. या सहलीच्या माध्यमातून पर्यटकांना बाबासाहेबांचे जीवन कार्य आणि विचार जवळून जाणून घेण्यासाठी मदत मिळणार आहे.