Trending:

Shivdeep Lande: 18 वर्षाची नोकरी, 7 कोटीची प्रॉपर्टी; महाराष्ट्राच्या लेकाला बिहारने नाकारलं, सिंघम शिवदीप लांडेंना किती मतं मिळाली?

Published by:Prachi Amale

Last Updated:November 14, 2025 12:01 PM IST

बिहारची निवडणूक असली तरी महाराष्ट्राचं लक्ष एका जागेवर आहे. कारण महाराष्ट्राचा लेक बिहारमधून निवडणूक लढवत आहे.

इम्पॅक्ट शॉटतुमचा गेटवे लेटेस्ट न्यूज

Bihar Election Result 2024 : बिहारचे निकाल आज जाहीर होत आहे. निवडणूक जरी बिहारची असली तरी महाराष्ट्राच्या जनतेचं एका निकालाकडे लक्ष आहे. बिहारमध्ये आपल्या धडाकेबाज कामगिरीमुळे सिंघम अशी ओळख निर्माण केलेले आयपीएस अधिकारी शिवदीप लांडे (Shivdeep Lande) हे यंदा बिहार विधानसभा निवडणुकीत आपले नशीब आजमावत आहेत. शिवदीप लांडे हे मुंगेर जिल्ह्याकील जमालपूर विधानसभा निवडणुकीतून उभे राहिले आहेत. एक माजी आयपीएस अधिकारी अपक्ष निवडणुकीच्या रिंगणात उतरल्याने या मतदारसंघाकडे हायप्रोफाईल सीट म्हणून बघितले जात आङे.

बिहारचे सिंघम या नावाने ओळखले जाणारे लांडे पहिल्यांदाच राजकरणात उतरले आहे. खाकी सोडून ते खादीच्या तयारीत आहे. इंडियन इनक्लुझिव्ह पार्टीच्या ) नरेंद्र कुमार तांती आणि जदयूच्या नचिकेता मंडल यांचे आव्हान आहे. या निवडणुकीत अपक्ष म्हणून निवडणूक लढत आहेत. आज बिहार विधानसभा निवडणुकीचा निकाल जाहीर होत आहे. त्यामुळे शिवदीप लांडे हे जमालपूर मतदारसंघातून विजयी होणार का, याकडे संपूर्ण महाराष्ट्राचे लक्ष लागले आहे.

पाच फेऱ्यांमध्ये अत्यल्प मतं

बिहारचे सिंघम या नावाने ओळखले जाणारे लांडे पहिल्यांदाच राजकरणात उतरले आहे. खाकी सोडून ते खादीच्या तयारीत होते . मात्र पहिल्या पाच फेऱ्यांमध्ये त्यांना अत्यल्प मतं मिळालं असून बिहारच्या जनतेनं नाकारल्याचं चित्र दिसत आहे.शिवदीप लांडे यांच्यासमोर इंडियन इनक्लुझिव्ह पार्टीच्या नरेंद्र कुमार आणि जदयूच्या नचिकेता मंडल यांचे आव्हान होते.

महाराष्ट्राच्या लेकाला किती मतं मिळाली?

जमालपूर मतदारसंघात पहिल्या पाच फेऱ्यांमध्ये जदयूचे नचिकेता मंडल हे आघाडीवर असून त्यांना आतापर्यंत 18067 मते मिळाली. तर नरेंद्र कुमार यांना 10502 मतं मिळाली आहे. दोघांमध्ये सध्या चुरशीची लढत पाहायला मिळत आहे. तर शिवदीप लांडे पाच फेऱ्यानंतर चौथ्या स्थानी असून त्यांना 1456 मते मिळाली आहे.

ड्रग्ज तस्करांचे कंबरडे मोडले

बिहार पोलीस दलात 18 वर्षे काम केल्यानंतर शिवदीप लांडे यांनी हा निर्णय घेतला होता. शिवदीप लांडे हे राज्याचे माजी मंत्री आणि शिंदे गटाचे नेते विजय शिवतारे यांचे जावई आहेत. 2006 च्या बॅचचे आयपीएस अधिकारी असलेले शिवदीप लांडे हे सध्या बिहारच्या स्पेशल टास्क फोर्समध्ये अधीक्षक होते. त्यांच्या बेधडक कामगिरीमुळे बिहारमध्ये त्यांची ओळख सिंघम म्हणून आहे. काही काळ त्यांनी मुंबईत अमली पदार्थ विरोधी कक्षातही काम केले होते. तेव्हाही शिवदीप लांडे यांनी ड्रग्ज तस्करांचे कंबरडे मोडले होते.

हे ही वाचा :