BB 19 संपलं, आता प्रणित मोरेची थेट Khatron Ke Khiladi 15 मध्ये एन्ट्री? महाराष्ट्रीयन भाऊने सांगितला पुढचा प्लॅन

रोहित शेट्टीच्या 'खतरों के खिलाडी 15' या कार्यक्रमाची सध्या चर्चा आहे. या नव्या पर्वात कोण-कोणते सेलिब्रिटी स्टंटबाजी करताना दिसणार हे जाणून घेण्यास प्रेक्षक उत्सुक आहेत.

'बिग बॉस 19'च्या घरातला एक तगडा स्पर्धक अर्थात महाराष्ट्राचा प्रणित मोरे. महाराष्ट्रीयन भाऊ प्रणित मोरेला नुकतंच एका मुलाखतीत 'खतरों के खिलाडी 15'मधील सहभागाबाबत प्रश्न विचारण्यात आला. या प३श्नाचं उत्तर देत प्रणित मोरे म्हणाला,"मला रिअॅलिटी शो आवडतात. या कार्यक्रमाची जर मला संधी मिळाली तर मी नक्कीच या कार्यक्रमाचा भाग होईल".

प्रणित मोरे म्हणाला,"बिग बॉस'चा प्रवास माझ्यासाठी खूप इमोशनल आणि मेंटली स्ट्रेसफुल होता. त्यामुळे अशापद्धतीचा फॉरमॅट असणाऱ्या कार्यक्रमाचा भाग होण्याचा सध्या तरी काही प्लॅन नाही. पण काही वेगळ्या कॉन्सेप्टचे शो मिळाले तर नक्कीच अशा कार्यक्रमाचा भाग व्हायला आवडेल".

प्रणित मोरेची सध्याची प्रायोरिटी स्टँडअप कॉमेडी आहे. पण 'खतरों के खिलाडी 15'सारखा थरारक शो मिळाला तर त्याला त्या कार्यक्रमाचा भाग होण्यास नक्कीच आवडणार आहे.

प्रणित मोरेने 'खतरों के खिलाडी 15'मध्ये सहभागी होण्याची इच्छा व्यक्त केल्यानंतर चाहत्यांचा आनंद गगनात मावेनासा झाला आहे. प्रणितला रोहित शेट्टीच्या कार्यक्रमात पाहण्यास चाहते उत्सुक आहेत.

'बिग बॉस 19' या कार्यक्रमाने प्रेक्षकांचा निरोप घेतला आहे. त्यामुळे प्रेक्षकांना आता 'खतरों के खिलाडी 15'ची उत्सुकता आहे. तसेच या नव्या सीझनमध्ये कोण-कोण स्पर्धक सहभागी होत आहेत, याकडे सर्वांच्या नजरा लागल्या आहेत.