Pune Accident: पुण्याच्या नळ स्टॉप चौकात भीषण अपघात, PMPML बसची रिक्षाला धडक; गाडीचा चेंदामेंदा

पुण्यातील गजबजलेल्या आणि अत्यंत वर्दळीच्या वेताळ चौकात एक धक्कादायक घटना घडली आहे.

कर्वे रोडवरील नळ स्टॉपजवळील पेट्रोल पंप परिसरात आज दुपारी सुमारे अडीच वाजता झालेल्या भीषण अपघात झाला आहे.

पीएमपी बसने रिक्षाला मागून जोरदार धडक दिली. धडकेची तीव्रता इतकी होती की रिक्षा अक्षरशः चेंगरून गेली.

कोथरूडवरून कात्रजला जाणारी ही बस होती. या अपघातात रिक्षाचालकासह दोन प्रवासी गंभीर जखमी झाले आहे.

जखमी रुग्णांना तात्काळ जवळील सह्याद्री रुग्णालयात उपचारासाठी हलवण्यात आले आहे.

घटनेनंतर नागरिकांनी संताप व्यक्त करत पीएमपी बसचालकाला चोप दिला. पोलिसांनी घटनास्थळी धाव घेत पुढील तपास सुरू केला आहे

याप्रकरणात आता प्रशासन आणि पोलीस पुढे काय कारवाई करतात, याकडे सर्वांच्या नजरा लागल्या आहेत.