IND vs SA : मॅच 101 धावांनी जिंकली पण दोन गोष्टीचे टेन्शन, वर्ल्डकपच्या 60 दिवसआधी डेसिंग रुममध्ये अस्वस्थता; गंभीरची काळजी वाढली

कटकच्या बाराबती स्टेडिअमवर रंगलेल्या पहिल्या टी20 सामन्यात भारताने साऊथ आफ्रिकेचा 101 धावांनी पराभव केला आहे. या विजयासह आता भारताने पाच सामन्यांच्या मालिकेत 1-0 ने आघाडी घेतली आहे.

टीम इंडिया जरी सामना जिंकली असती टीम इंडियाच्या ड्रेसिंग रूममधलं वातावरण खूपच गंभीर आहे. कारण त्या दोन खेळाडूंनी भारताचं टेन्शन वाढवलं आहे.

दक्षिण आफ्रिकेविरुद्धच्या पहिल्या टी-20 सामन्यात टीमचा उपकर्णधार शुभमन गिल पुन्हा एकदा अपयशी ठरला आहे. मॅचच्या तिसऱ्याच बॉलला शुभमन गिल 2 बॉलमध्ये 4 रन करून आऊट झाला आहे. मागच्या 16 टी-20 आंतरराष्ट्रीय सामन्यांमध्ये गिलला एकही अर्धशतक करता आलेलं नाही.

मागच्या 16 टी-20 आंतरराष्ट्रीय सामन्यांमध्ये गिलने 13, 34, 39, 20, 10, 5, 47, 29, 4, 12, 37, 5, 15, 12, 46, 29, 4 असा आहे. या 16 सामन्यांमध्ये गिलला फक्त 5 वेळा 30 रनचा आकडा पार करता आला आहे, त्यामुळे टी-20 वर्ल्ड कपआधी शुभमन गिलची ही कामगिरी टीम इंडियाची चिंता वाढवणारी नक्कीच आहे.

गिल पाठोपाठ सूर्यकुमार यादवने देखील टेन्शन वाढवलं आहे. सूर्या आजच्या सामन्यात 12 धावा करून बाद झाला. सूर्या मागच्या 24 सामन्यामध्ये 20(10), 1(4), 39*(24), 1(5), 12(13), 5(11), 0(3), 47*(37), 7*(2), 2(3), 0(4), 14(7), 12(7), 0(3), 1(4), 4(9), 21(17), 75(35), 8(10), 29(14), 8(9), 26(12), 58(26), 12 (11) इतक्या धावाच करू शकला आहे.

दोन्ही खेळाडूंची ही कामगिरी वर्ल्ड कप आधी टीम इंडियाची डोकेदुखी वाढवणारे आहे. या दोघांनी आता लवकर फॉर्ममध्ये येणे खुप गरजेचे आहे.

या दोन्ही खेळाडूंकडे 10 सामने आहेत या सामन्यांमध्ये या खेळाडूंना फॉर्ममध्ये यावं लागेल नाहीतर भारताच काही खरं नाही.