IND vs SA Final : वर्ल्ड कप जिंकणाऱ्या संघाला छप्परफाड बक्षीस, पैशांचा नुसता पाऊस पडणार, किती रक्कम मिळणार?

आयसीसी वुमेन्स वर्ल्ड कप 2025 चा फायनल सामना उद्या रविवारी 2 नोव्हेंबर 2025 ला रंगणार आहे. नवी मुंबईच्या डीवाय पाटील स्टेडिअमवर हा सामना दुपारी 3 वाजता खेळवला जाणार आहे.

हा फायनल सामना जिंकणाऱ्या विजेत्या संघाला तब्बल 4.48 दशलक्ष डॉलर्स (अंदाजे 40 कोटी) मिळतील. ही रक्कम ऑस्ट्रेलियाच्या 2022 च्या बक्षीस रकमेपेक्षा 239 टक्के जास्त आहे.

उपविजेत्या संघाला 2.24 दशलक्ष डॉलर्स (अंदाजे 20 कोटी) मिळतील. ही रक्कम इंग्लंडच्या 2022 च्या बक्षीस रकमेपेक्षा 273 टक्के जास्त आहे.

उपांत्य फेरीत पराभूत झालेल्या ऑस्ट्रेलिया आणि इंग्लंड या दोन्ही संघांना 1.12 दशलक्ष डॉलर्स (अंदाजे 9.3 कोटी) इतकी समान रक्कम मिळाली.

गुणतालिकेत पाचव्या आणि सहाव्या स्थानावर असलेल्या संघांना (श्रीलंका आणि न्यूझीलंड) 700,000 डॉलर्स (अंदाजे 5.8कोटी) इतकी समान रक्कम मिळाली.

सातव्या आणि आठव्या क्रमांकावर असलेल्या संघांना (बांगलादेश आणि पाकिस्तान) 280,000 डॉलर्स (अंदाजे 2.3 कोटी) मिळाले.

या स्पर्धेत सहभागी होण्यासाठी प्रत्येक संघाला 250,000 डॉलर्स (अंदाजे 2 कोटी) ची स्वतंत्र हमी दिली जात आहे. शिवाय, गट टप्प्यात जिंकणाऱ्या प्रत्येक सामन्यासाठी संघांना 34,314 डॉलर्स (अंदाजे 2.8 दशलक्ष) मिळतात.