IND vs SA : तब्बल 6 दिवसानंतर ICC ला लक्षात आली टीम इंडियाची चूक, 11 खेळाडूंवर कारवाईचा बडगा!

भारत आणि साऊथ अफ्रिका यांच्यातील दुसरा वनडे सामना रायपूरमध्ये खेळवण्यात आला होता. अतितटीच्या या सामन्यात भारताला पराभवाचं तोंड पहावं लागलं. अशातच आता या सामन्यात टीम इंडियाने मोठी चूक केली.

मैदानात दव जास्त असल्याने बॉलर्सला अवघड परिस्थितीचा सामना करावा लागत होता. अशातच टीम इंडियाने वेळेत बॉलिंग संपवली नाही. अशातच 6 दिवसानंतर आयसीसीने मोठी कारवाई केली आहे.

आयसीसीच्या खेळाडू आणि खेळाडूंच्या सहाय्यक कर्मचाऱ्यांसाठीच्या आचारसंहितेच्या कलम 2.22 चं उल्लंघन टीम इंडियाने केलं आहे. त्यामुळे टीम इंडियावर म्हणजेच संपूर्ण 11 खेळाडूंवर कारवाई करण्यात आली आहे.

रायपूर येथे झालेल्या दुसऱ्या एकदिवसीय सामन्यात दक्षिण आफ्रिकेविरुद्ध स्लो ओव्हर रेट राखल्याबद्दल सोमवारी भारताला त्यांच्या मॅच फीच्या 10 टक्के दंड ठोठावण्यात आलाय.

केएल राहुलच्या नेतृत्वाखालील भारतीय संघाने निर्धारित वेळेपेक्षा दोन ओव्हर कमी टाकल्यामुळे मॅच रेफरींच्या एलिट पॅनेलचा भाग असलेले रिची रिचर्डसन यांनी हा दंड ठोठावला आहे.