Road Accident : ट्रक-ट्रॅक्टरच्या भीषण धडकेनंतर आगीचा भडका; चालकाचा होरपळून मृत्यू, भिगवण-बारामती रोडवरील घटना

अपघाताचा आवाज ऐकताच स्थानिक ग्रामस्थ मदतीला धावले, मात्र आगीची तीव्रता इतकी मोठी होती की कुणालाही जवळ जाणे शक्य नव्हते. घटनेची माहिती मिळताच भिगवण पोलीस स्टेशनचा ताफा आणि दोन अग्निशमन दलाच्या गाड्या तातडीने घटनास्थळी दाखल झाल्या. अग्निशमन दलाच्या जवानांनी शर्थीचे प्रयत्न करून आग आटोक्यात आणली, मात्र तोपर्यंत चालक अमोल कुराडे यांचा होरपळून मृत्यू झाला होता. या अपघातामुळे बारामती-भिगवण रस्त्यावरील वाहतूक अनेक तास विस्कळीत झाली होती.